Kartela Visa me parapagim për herë të parë në Kosovë

Prishtinë, 28 tetor 2009 - Raiffeisen Bank dhe IPKO në bashkëpunim me Better Served Kosovo dhe RevEurope sjellin për herë të parë në Kosovë Visa kartelën me parapagim. Këtë kartelë mund ta marrin të gjithë klientët duke përfshirë këtu edhe të rinjët të cilët nuk kanë të hapur llogari bankare. Kartela mund të porositet dhe të rimbushet në të gjitha degët dhe nëndegët e Raiffeisen Bank. Visa kartela me parapagim iu mundëson klientëve të dërgojnë para brenda dhe jashtë vendit, të mbushin llogaritë e tyre të telefonisë mobile IPKO, të transferojnë paratë dhe të kontrollojnë llogaritë me një SMS të thjeshtë. Përveç kësaj, klientët mund të kontrollojnë gjendjen e kartelës edhe përmes shërbimit e-banking, shërbim ky i cili ofrohet falas sapo të aktivizohet kartela.

“Kartela Visa me parapagim është një mundësi e shkëlqyer sidomos për të rinjët të cilët nuk kanë llogari bankare. Duke shfrytëzuar këtë kartelë, ata i shmangen shfrytëzimit të kesh-it dhe mbajnë nën kontroll buxhetin e tyre duke përcjellur harxhimet e tyre përmes shërbimit e-banking i cili ofrohet bashkë me kartelën” tha Shpend Nura, udheheqës i Departamentit të Zhvillimit dhe Menaxhimit të Produkteve. “Përparësia tjetër e kësaj kartele është se rimbushja e kartelës është një process i thjeshtë dhe i shpejtë dhe klienti mund të shfrytëzojë menjëherë paratë”.

Kartela Visa me parapagim është shumë e përshtatshme edhe për prindër. Për të shmangur shfrytëzimin e keshit dhe për të krijuar tek fëmijët e tyre shprehinë e menaxhimit të shpenzimeve, ata mund të porosisin kartelat Visa me parapagim për secilin nga fëmijët e tyre mbi 16 vjec dhe të mbushin kartelat e fëmijëve me një shumë të caktuar parash në të gjitha degët dhe nëndegët e Raiffeisen Bank. Prindërit, së bashku me fëmijët do të kenë mundësi të përcjellin shpenzimet e bëra përmes këtyre kartelave duke shfrytëzuar shërbimin e-banking si përparësi shtesë e kësaj kartele. Kartela Visa me parapagim është poashtu e përshtatshme për studentët që nuk kanë llogari bankare.  

Duke poseduar Kartelën Visa me parapagim, përveç tregut të Kosovës, klientët bëhen pjesë e tregut ndërkombëtar. Përmes kartelës Visa me parapagim, ata mund të tërheqin para në 1.4 milionë bankomatë në më shumë se 200 shtete, të paguajnë përmes termianleve të shitjes në miliona dyqane në mbarë botën si dhe të realizojnë blerje përmes internetit.

Raiffeisen Bank në Kosovë ka 50 degë dhe nëndegë, 83 bankomate të instaluara në vende të ndryshme në Kosovë dhe me më shumë se 1,450 terminale për blerje përmes kartelave. Përveç shërbimit të Raiffeisen Direct (038 222 222) i cili iu ofron klientëve mundësinë të telefonojnë 24 orë në ditë, 7 ditë në javë për të marrë informacione mbi produktet dhe shërbimet bankare si dhe llogarinë e tyre, Raiffeisen Bank ofron për klientët e saj edhe shërbimin “e-banking” (www.raiffeisen-kosovo.com).

Për informata të mëtutjeshme kontaktoni Asdren Rrahmani, Kryesues i Departamentit të Marrëdhënieve me Publikun (+381 38 222 222, lok. 111, asdren.rrahmani@raiffeisen-kosovo.com).