Bonot e Diasporës është një iniciativë e Qeverisë së Kosovës, për të tërhequr investime drejt Kosovës përmes obligacioneve, drejtuar në rend të parë diasporës së Kosovës, por edhe banorët e Kosovës mund të investojnë.

Bonot kanë veçori të ngjashme sikur afatizimet bankare, pra kanë afat të caktuar dhe interes të caktuar. Për dallim prej afatizimeve bankare, mjetet i jepen borxh Qeverisë së Kosovës, si dhe mund të rishiten në tregun dytësor.

Investimi në Bonot e Diasporës garantohet nga Qeveria e Republikës së Kosovës.

Këto bono ofrojnë siguri të lartë, ndërsa shpërblejnë investuesin me interes.

Poashtu, investimi në Bonot e Diasporës është mënyrë e drejtpërdrejtë për të ndihmuar zhvillimin e vendlindjes.

Ky emetim ka dy afate: 3-vjeçar ose 5-vjeçar. Kryegjëja paguhet në fund të periudhës si dhe interesi vjetor është i ndarë në dy kupone, dhe paguhet dy here në vit në llogarinë tuaj.

Afati 3-vjeçar ka interesin 1.20% për çdo vit (NEI: 1,133%), ndërsa afati 5-vjeçar ka interesin 2.20% për çdo vit (NEI: 2,16%).

10’000 euro, ose shumëfishi i tij. Pra ju mund të investoni 10’000 euro, 20’000 euro, 30’000 euro, por jo 15’000 euro.

Ju mund të regjistroheni prej tani deri me 18 gusht 2021, deri në ora 09:00 për pjesëmarrje në investim.

Për të u regjistruar për investim, ju duhet të vizitoni Bankën Raiffeisen, meqë ajo është aktere primare për letrat me vlerë të Qeverisë së Kosovës.

Në rast se investimi juaj pranohet, tarifa që ju ngarkohet është 0.20% e shumës investuese, ose minimum 20 euro. Në rast se investimi juaj nuk pranohet, ju ngarkoheni me 10 euro dhe ju rikthehet qasja në mjetet tuaja. Kostoja e trasferimit të investimit tuaj tek nje titullar tjeter brenda Kosovës është 15 euro.

Po, mund të mos pranohet! Qeveria e Kosovës ka shpallur një shumë të caktuar, të cilën synon të mbledh nga investitorët. Aty vlen principi: i pari vjen, i pari fiton. Në rast se është plotësuar kërkesa e Qeverisë, nuk pranohen investimet pasuese.