Në media

Banka jonë vazhdon të transformohet përmes inovacionit digjital, por ruajtja e lidhjes përmes kontaktit njerëzor mbetet thelbësore. Në Ditën e Përvojës së Klientit, Anëtarja e Bordit, Iliriana Toçi, foli në një intervistë për mënyrën se si po ndërtojmë partneritete të qëndrueshme me klientët tanë dhe si po e bëjmë çdo ndërveprim të thjeshtë, personal dhe me kuptim – si në degë, ashtu edhe online.

Artan Rrustemi, Zyrtar Kryesor për Siguri në bankë, ka folur për agjencinë e lajmeve Kosova Press rreth aspekteve kyçe të sigurisë online, përfshirë mënyrën se si banka mbështet si punonjësit ashtu edhe klientët në forcimin e sigurisë së tyre digjitale. Ai gjithashtu ndau disa këshilla të dobishme për sigurinë online.

Udhëheqësi i Departamentit të Shitjes dhe Shpërndarjes, Erik Roka, ndan perspektivat e tij mbi zhvillimet në bankën tonë dhe në sektorin bankar, përfshirë ndikimin e diasporës në ekonomi, financimin e qëndrueshëm dhe inovacionin digjital.

Udhëheqësi i Produkteve për Retail dhe Transformimit Digjital, z. Florent Lila, ka folur për agjencinë e lajmeve Kosova Press rreth transformimit digjital të bankës. Ai ka shpjeguar se si digjitalizimi po e ndryshon sektorin bankar në Kosovë, si në mënyrën e ofrimit të shërbimeve, ashtu edhe në mënyrën se si klientët ndërveprojnë me to.

Në Ditën Botërore të Pyjeve, Udhëheqësja jonë për Përgjegjësi Shoqërore dhe Menaxhimin e ESG, znj. Vesa Paca, ishte e ftuar në RTK për të folur mbi mënyrën se si qëndrueshmëria është e rrënjosur në mënyrën tonë të punës. Nga kreditë e gjelbra dhe iniciativat për mbjellje, te praktikat ekologjike të brendshme dhe aktivitetet ndërgjegjësuese, ajo theksoi përkushtimin e vazhdueshëm të bankës për të krijuar ndikim pozitiv.

Ndërsa inteligjenca artificiale vazhdon të transformojë industri në mbarë botën, banka jonë është e përkushtuar të shfrytëzojë plotësisht potencialin e saj transformues. Udhwheqësi ynë i IT-së dhe të Dhënave, z. Shkelqim Meqa, dhe Udhëheqësi i Produkteve me Pakicë dhe Transformimit Digjital, z. Florent Lila, ndanë me RTK mundësitë që inteligjenca artificiale dhe inovacioni digjital po sjellin në sektorin bankar.

Të kuptuarit e kompleksitetit të ekonomisë formale, në disa raste, mund të jetë sfidues. Prandaj, ne shfrytëzojmë çdo mundësi për të rritur ndërgjegjësimin mbi rëndësinë e edukimit financiar. Udhëheqës Rajonal për Bankimin me Pakicë, z. Besian Demiri, foli në RTK mbi këtë temë, duke theksuar aspektet kryesore të edukimit financiar.

Banka jonë është e përkushtuar të promovojë praktika të forta të sigurisë kibernetike dhe të rrisë ndërgjegjësimin për mënyrat se si të qëndrojmë të sigurt online. Si pjesë e këtij angazhimi, kolegët tanë Agim Ahmeti, dhe Kosovare Alaj Bajrami, ndanë këshilla që ndihmojnë në forcimin e sigurisë online dhe mbrojtjen nga kërcënimet kibernetike.

Ne mirëpritëm RTK-në në Raiffeisen Gallery në Albi Mall, ku rregullisht shfaqim ekspozita për të ngritur vetëdijen mbi tema të ndryshme. Gjatë intervistës, Flaka Çitaku, Udhëheqëse e Komunikimit në bankë, shpjegoi konceptin e Galerisë, ndërsa Krenare Vitija, Udhëheqëse e Transformimit Digjital, foli për nënshkrimit digjital, një shërbim i vënë në dispozicion të klientëve rishtazi, e që është temë e ekspozitës së këtij muaj në Galeri.

Ne jemi gjithmonë të lumtur të diskutojmë temën e rëndësishme të formalizimit të ekonomisë, veçanërisht duke pasur parasysh rolin tonë në integrimin e individëve dhe bizneseve në sistemin bankar për më shumë se dy dekada në Kosovë. Duke folur në programin e mëngjesit në RTK, znj. Iliriana Toçi, Anëtare e Bordit Menaxhues, theksoi rëndësinë e përfshirjes financiare dhe shpjegoi se si banka jonë mbështet individët dhe bizneset në shfrytëzimin e mundësive brenda sektorit financiar formal.