Skip to main content
Na kontaktoni Kërko degën

Kyçu në aplikacionin mobil bankar

Kyçu si individ Kyçu si biznes

Banka mirëpriti Drejtorin Ekzekutiv të RBI, Dr. Johann Strobl, në një vizitë të përqendruar në zhvillim dhe inovacion

Banka Raiffeisen në Kosovë pati kënaqësinë të mirëpresë Dr. Johann Strobl, Drejtor Ekzekutiv i Raiffeisen Bank International (RBI), për një vizitë të përqendruar në forcimin e partneriteteve strategjike dhe eksplorimin e mundësive të reja për rritje.

Kjo shënon vizitën e dytë të Dr. Strobl në Kosovë vitet e fundit, duke treguar kështu përkushtimin e vazhdueshëm të RBI-së ndaj tregut të Kosovës.

Në nisje të vizitës dyditore, z. Strobl u mirëprit nga Drejtoresha Ekzekutive e bankës sonë, znj. Anita Kovacic. Gjatë takimit, diskutimi u përqendrua rreth nismave që synojnë rritjen dhe inovacionin.

Dr. Strobl është takuar edhe me anëtarë të tjerë të menaxhmentit të bankës, kurse ndër momentet kryesore të vizitës së tij ishin edhe vizita në degën tonë kryesore në Pejë dhe darka e organizuar me klientët.

Përveç diskutimeve të brendshme, ai zhvilloi takime edhe me udhëheqës të institucioneve kryesore, përfshirë Kryeministrin në detyrë, z. Albin Kurti, Ministrin në detyrë të Financave, z. Hekuran Murati, dhe Guvernatorin e Bankës Qendrore, z. Ahmet Ismaili, si dhe me përfaqësues nga sektori i biznesit.

Një pjesë e rëndësishme e agjendës ishte pjesëmarrja në disa aktivitete me kolegët tanë, përfshirë një sesion prezantues nga ekipet e Raiffeisen Bank Kosova dhe Raiffeisen Tech Kosova mbi zgjidhjet digjitale të zhvilluara për bankën dhe Grupin RBI. Gjatë këtij sesioni,  ndër tjerash, u prezantua edhe RAIA, asistentja e parë virtuale e mundesuar nga GPT në tregun bankar të Kosovës, e cila u lansua rishtazi për klientët.

Raiffeisen Bank, investitori më i madh austriak në Kosovë, është e pranishme në vend që nga viti 2003, kur Raiffeisen Bank International (RBI) bleu 100% të aksioneve të ish-American Bank of Kosovo.

Nga fillimet e saj në një ekonomi në rindërtim, Raiffeisen është rritur duke u bërë banka më e madhe në vend sipas të gjithë treguesve kryesorë financiarë, duke dhënë një kontribut të rëndësishëm në zhvillimin ekonomik të Kosovëss.