Përcaktime të Përgjithshme

Me këto Rregulla dhe Kushte për përdorimin e shërbimit Apple Pay (në vijim: Rregullat), Raiffeisen Bank Kosovo J.S.C. (në vijim: Banka) përcakton kushtet për realizimin e transaksioneve pa para në dorë (pagesa) duke përdorur kartela Visa debit dhe/ose kredit (në vijim: kartela), përmes pajisjeve Apple me funksionalitet NFC dhe aplikacionit Apple Wallet të instaluar në pajisje (në vijim: pajisja).Për persona fizikë – Përdorues të kartelave Visa debit dhe/ose kredit që përdorin shërbimin Apple Pay, këto rregulla janë pjesë përbërëse e marrëveshjes kornizë që kanë nënshkruar me Bankën për lëshimin dhe përdorimin e kartelave.Për ndërmarrës (biznese individuale) – Përdorues të kartelave Visa business debit dhe/ose kredit, këto rregulla janë pjesë përbërëse e marrëveshjes kornizë të nënshkruar me Bankën për lëshimin dhe përdorimin e kartelave biznes.Për persona juridikë – Përdorues të kartelave Visa business debit dhe/ose kredit që përdorin Apple Pay, këto rregulla janë pjesë përbërëse e marrëveshjes kornizë për lëshimin dhe përdorimin e kartelave.

Personat fizikë që zgjedhin të përdorin Apple Pay janë të detyruar të respektojnë, përveç këtyre rregullave, edhe Kushtet e Përgjithshme të Biznesit për lëshimin e kartelave debit dhe kredit për klientët individë.

Ndërmarrësit dhe personat juridikë janë të detyruar të respektojnë edhe Kushtet e Përgjithshme të Biznesit për lëshimin e kartelave për klientët afaristë dhe juridikë.Në vazhdim të këtyre rregullave, termi Përdoruesi do të nënkuptojë çdo individ, ndërmarrës apo person juridik që përdor Apple Pay me kartelë Visa.Përdoruesi duhet të lexojë këto rregulla para se të vendosë të përdorë Apple Pay dhe të regjistrojë një kartelë në Wallet.
Nëse është e nevojshme, ai/ajo mund të kërkojë sqarime shtesë nga Banka.
Këto rregulla janë të disponueshme në të gjitha degët e Bankës dhe në faqen zyrtare të internetit: www.raiffeisen-kosovo.com.
Përdoruesi mund t’i marrë pa pagesë këto rregulla me kërkesë në formë fizike.Shërbimi Apple Pay ofrohet falas. Tarifat dhe shpenzimet që mund të lindin për Përdoruesin janë të përcaktuara në Kushtet e Përgjithshme të Biznesit përkatëse për produktin e kartelës që ai/ajo përdor.

1. Përkufizime

• Apple Distribution International LTD – korporatë me seli në Holly Hill Industrial Estate, Cork, Irlandë (në vijim: Apple);
• Apple Pay – shërbim i menaxhuar nga Apple Distribution International LTD që i mundëson përdoruesit të një kartele Visa të kryejë pagesa pa para në dorë dhe të tërheqë para në bankomatë që mbështesin transaksione me kontakt të afërt (contactless) përmes pajisjeve Apple;
• Përdoruesi i Apple Pay – person që përdor kartelë Visa përmes shërbimit Apple Pay në një pajisje Apple;
• Pajisje Apple – pajisje që mbështet Apple Pay me teknologji NFC (mund të jetë telefon, tablet, orë ose pajisje tjetër Apple);
• Wallet – aplikacion mobil i sistemit operativ iOS;
• Apple ID – llogari që përdor Përdoruesi për të hyrë në shërbimet Apple Pay;
• Kartelë e kualifikuar – kartelë Visa debit ose kredit e lëshuar në emër të Përdoruesit, e regjistrueshme në Apple Pay;

Kod verifikimi njëpërdorimësh – kod i nevojshëm për regjistrimin e Apple Pay.

3. Regjistrimi i kartelës në Apple Pay

3.1.Për të përdorur Apple Pay, Përdoruesi duhet të:
a) ketë numër të regjistruar mobil në Bankë;
b) ketë Apple ID;
c) ketë të aktivizuar një metodë të sigurisë në pajisje (PIN, Face ID, Touch ID);
d) ketë iCloud të aktivizuar;
e) pranojë këto rregulla gjatë regjistrimit;
f) ketë një pajisje të përputhshme (Devices compatible with Apple Pay - Apple Support https://support.apple.com/en-us/102896 ).

3.2. Shtimi i kartelës mund të kërkojë: numrin e plotë të kartelës, datën e skadencës dhe kodin CVV2/CVC.
3.3. Për regjistrimin e kartelës në Wallet:
a) Përdoruesi merr një kod verifikimi nga banka përmes SMS dhe e vendos në fushën përkatëse;
b) Regjistrimi mund të iniciohet edhe nga aplikacioni mobil i bankës (nëse mbështetet) duke vendosur PIN-in e aplikacionit.

3.4. Apple dhe Banka rezervojnë të drejtën të kryejnë regjistrimin edhe pa verifikim shtesë, nëse e shohin të nevojshme.
3.5. Përdoruesi mund të shtojë më shumë se një kartelë në Wallet.
3.6. Kartela e parë bëhet ajo parazgjedhur për pagesa. Përdoruesi mund të ndryshojë këtë zgjedhje më vonë.

3.7. Banka nuk mban përgjegjësi për funksionalitetin e Wallet, sidomos nëse:

• pajisja nuk përmbush kërkesat teknike,
• ka defekte teknike në pajisje,
• ndodhin ndërprerje apo gabime nga rrjeti i kartelave apo nga Apple.
  

3.8. Në rast të humbjes, vjedhjes apo keqpërdorimit të të dhënave të Wallet, Banka nuk do të zëvendësojë kartelën.
Ajo mund të pezullojë krijimin e tokenit në rast dyshimi për abuzim.

4. Transaksionet
4.1.Transaksionet përmes Apple Pay lejohen deri në kufijtë e përcaktuar nga Banka ose kartela specifike.
4.2. Transaksioni mund të kryhet:a) duke e afruar pajisjen me POS dhe, nëse kërkohet, duke futur PIN-in e kartelës në terminal;b) duke zgjedhur opsionin “in-app” dhe duke konfirmuar në pajisje.
4.3. Nëse janë të regjistruara më shumë se një kartelë në Wallet, Përdoruesi duhet të zgjedhë kartelën para transaksionit. Nëse nuk e bën, përdoret kartela parazgjedhur.
4.4. Përdoruesi ka qasje në historikun e disa prej transaksioneve në Apple Pay. Historia e plotë është e disponueshme përmes Raiffeisen Online, aplikacionit mobil, si dhe në ekstraktet mujore.
4.5. Në rast transaksionesh jashtë vendit, mund të kërkohet edhe nënshkrim për verifikim.

5. Detyrimet e PërdoruesitPërdoruesi i Apple Pay duhet të:
a) mbrojë pajisjen nga përdorimi i paautorizuar, humbja ose vjedhja;
b) njoftojë Bankën menjëherë në rast humbjeje, vjedhjeje të kartelës ose të dhënave të saj;
c) kontrollojë rregullisht llogarinë dhe njoftojë menjëherë nëse vëren transaksione të dyshimta;
d) mos lejojë përdorimin e kartelës nga persona të tretë;
e) ruajë elementët e sigurisë si PIN-i dhe autentikimi biometrik.

6. Heqja e tokenit dhe bllokimi i kartelës
6.1. Heqja e tokenit nga Apple Pay e largon atë vetëm nga pajisja përkatëse.
6.2. Në rast njoftimi për humbjen e pajisjes, nevojitet identifikimi i Përdoruesit dhe pajisjes.
6.3. Në rast keqpërdorimi ose qasje të paautorizuar në pajisje, Banka do të largojë tokenin.
6.4. Nëse kartela bllokohet, Banka do të largojë të gjithë tokenët përkatës nga të gjitha pajisjet.

7. Dispozita përfundimtare
Nëse Përdoruesi has ndonjë problem gjatë përdorimit të Apple Pay, mund të kontaktojë Qendrën për Thirrje të Bankës në numrin: 038/049 222 222
Banka rezervon të drejtën të ndryshojë këto Rregulla. Përdoruesi do të njoftohet paraprakisht përmes postës ose emailit.

Apple, Apple Pay, iPhone, Apple Watch dhe logoja e Apple janë marka tregtare të Apple Inc., të regjistruara në SHBA dhe vende dhe rajone të tjera. 

Këto rregulla hynë në fuqi më Gusht 2025