Dritarja për Investime të Diasporës
Banka Raiffeisen ka nënshkruar një marrëveshje të rëndësishme me Fondin Kosovar për Garanci Kreditore për skemën "Dritarja për Investime të Diasporës." Kjo nismë, e lansuar nga Qeveria e Kosovës në bashkëpunim me Fondin dhe USAID-in, synon të mbështesë investimet në ndërmarrësi private të krijuara nga diaspora.
Çka konsiderojmë investim nga diaspora dhe cilat janë kërkesat ligjore?
Bashkatdhetarët do të duhej të shprehin qëllim të qartë për të investuar në Kosovë:
Struktura e pronësisë së bizneseve të sapo krijuara nga investitorët e diasporës, duhet të jetë në:
- Pronësi të plotë të investitorit të diasporës.
- Partneritet me banorë të Kosovës (shembull: partnerë biznesi, të afërmit e familjes, miqtë që jetojnë dhe punojnë në Kosovë) ose
- Nëse investitori nga diaspora themelon një biznes me nje bashkeinvestitor të huaj (jorezident të Kosovës).
Në të tri rastet e lartëpermendura, investitori nga diaspora duhet të zotërojë së paku 30% të pronësisë së ndërmarrjes. Investitori duhet ta mbështesë idenë e themelimit të biznesit/ndërmarrjes së re me një plan biznesi.
*Bizneset që kanë përvojë më të gjatë se 36 muaj nuk kualifikohen për këtë dritare.
Cilat biznese kualifikohen?
Ndërmarrja mikro e vogël dhe e mesme (NMVM) kërkohet të jetë:
- Në pronësi private të themeluar nga investitori qe gezon statusin e investitorit nga diaspora.
- E regjistruar në Agjencinë e Regjistrimit të Bizneseve të Kosovës (ARBK). Për më shumë informata ju lutemi që të klikoni linkun: https://arbk.rks-gov.net/
- Ndërmarrje e themeluar nga diaspora që kanë përvojë pune jo më të gjatë se 36 muaj.
- Gjithëpërfshirëse për sektorë të ndryshëm përveç atyre të ndaluara sipas politikës së menaxhimit mjedisor e social të FKGK-së.
- Investitor me histori të mirë kreditore nga vendi përkatës ku jeton e vepron apo edhe në Kosovë.
- Biznes me më pak se 250 punonjës.
Info shtesë lidhur me origjinën Kosovare të pronarit të biznesit:
- Të gjithë ata që fillimisht kanë lindur dhe jetuar në Kosovë, por kanë emigruar dhe kanë jetuar për më shumë se tre vjet jashtë vendit.
- Pasardhësit (gjeneratat e reja) të prindërve kosovarë, duke u shtrirë në gjeneratën e dytë, me origjinë nga Kosova.
- Cilat janë karakteristikat e garancisë?
- Cili është procesi I aplikimit dhe vendimarrjes?
- Llojet e kredisë?
- Mbulueshmëri me garanci kreditore deri në 80% të kryegjësë së kredisë por jo më shumë se 2,000,000 euro. Përqindja e mbulueshmërisë me garanci kreditore varet nga vlera e investimit fillestar
- Kufiri maksimal i humbjes 15% në nivel të portofolit.
- Pjesëmarrja e investitorit në investim fillestar është e obligueshme në vlerë së paku 20%. *
*Përqindja e mbulueshmërise me garanci sipas pjesëmarrjes në investim fillestar/kredi bankare
Mbulueshmëria garancisë (%) | Pjesëmarrja në investim fillestar/kredia bankare (%) |
60 | 20/80 |
70 | 25/75 |
80 | 30/70 |
- Huamarrësi potencial (NMVM) nuk aplikon për garanci por aplikon për kredi në njërin nga Institucionet e Regjistruara Financiare të FKGK-së.
- Institucioni i Regjistruar Financiar (IRF) pasi që të kryen analizat e zakonshme të kredisë duke zbatuar standardet e vlerësimit të riskut dhe nëse kompania i plotëson kriteret e FKGK-së atëherë IRF përkatëse e vendosë kredinë nën garancinë kreditore të FKGK-së .
- Pas vendosjes së kredisë përkatëse nga ana e IRF-së përkatëse në Sistemin për Menaxhimin e Informatave të FKGK-së, FKGK e pranon kredinë nën garancinë kreditore.
Kredi; Linjë kreditore; Mbitërheqje.
Pajtueshmëria me kërkesat dhe rregullativën ligjore:
Aplikuesit duhet t’i respektojnë të gjitha ligjet, rregulloret dhe udhëzimet përkatëse që rregullojnë investimet dhe aktivitetet e biznesit në Kosovë. Për më tepër, aplikuesi do t’i nënshtrohet një procesi të vlerësimit të kujdesit të duhur kundër pastrimit të parave dhe financimit të terrorizmit nga ana e institucionit të regjistruar financiar, dhe nuk duhet të jetë subjekt i ndonjë procesi gjyqësor ose pjesë e ndonjë liste të sanksioneve ndërkombëtare.
Informata shtesë
Për më shumë informata rreth Dritares së Diasporës, ju lutemi vizitoni uebfaqen e Fondit Kosovar për Garanci Kreditore duke klikuar këtu: Mëso më shumë
